.

.

Oct 23, 2017

සුබ ගමන්, මිස්ටර් සැම්සන් - Good Bye Mr. Samason




මිස්ටර් සැම්සන් රතු, හීන්දෑරි, සාමාන්‍ය ශරීරයකින් හෙබි කෙනෙකු උනේය. කොන්ඩය ක්‍රීම් ගා පසු පසට පීරූ ඔහු ඇන්දේ, කළු කලිසම හා අත් දිග සුදු ෂර්ට් එකය. ෂර්ට් එකේ අත ඉතා මහතට වැලමිටෙන් උඩට නමා තිබුනේය. හන්දියට සෙරෙප්පු දෙකක් දමාගෙන ගියද, ඉන් එහා ගමනක් නම් සපත්තු දෙක අනිවාර්ය විය. මඟුල් ගෙවල් සඳහා යන විට, තද රතු පාට හෝ මෙරූන් පාට ටයි පට පමණක්ම ඇන්දේය. ඔහු උපන් උණවටුනේ අයට හා නෑදෑයින් අතරේ ඔහු නෝටන් අයියා විය. ගමේ යාළුවන්ට නෝටයා විය. බොහෝ කාළයක් ජීවත් වූ කැළණිය තොරණ හංදිය පැත්තේ අයට ඔහු මිස්ටර් සැම්සන් හෝ සැම්සන් මහත්තයා විය. 

Oct 14, 2017

ඈ මගේ වියපත් සඳ හා ප්‍රියාන් ද සිල්වා - Couger & Priyan De Silva




ප්‍රියාන් ද සිල්වා, "ද සිල්වලා" ඉන්නේ කොහෙද? ඔව්, ඌත් අම්බලන්ගොඩ. මාතලන්ගේ බුකි හිතවතෙක්. මාතලන් ඌට පෙම් බඳින්නේ උගේ "මයික්‍රෝ කෙටි කතා" නිසා. ඒවා මාරයි. හේතුව ඒවා සාම්ප්‍රදායික නෑ. මෙහෙම උන් තමයි ලෝකය අලුත් කරන්නේ. ලෝකය ලස්සන කරන්නේ. ඌ දැන හෝ නොදැන මයික්‍රො සන්නිවේදන මාද්දියකට, ගේනවා මයික්‍රෝ කෙටි කතා.

Oct 5, 2017

ප්‍රජාතන්ත්‍රවාදී නිදහස මාරාන්තික විය හැක - Direct Democracy can be Deadly




"ලෑන්ඩ් ඔෆ් ෆ්‍රී" හෙවත් ප්‍රජාතන්ත්‍රවාදි නිදහසෙ මහ ගෙදර, "ලස් වේගාස්" වල උන්, "ස්ටීවන් පැඩොක්" අයියා, ඇමරිකාවේ සුපිරි නිදහසෙන් පට්ට ආතල් එකක් අරගෙන නිවන් ගියේය. තනියෙන්ම නිවන් යන්න තරම් උන්නැහේ ආත්මාර්තකාමියෙක් උනේත් නැතිය, ඇමරිකන් "කන්ට්‍රි මියුසික් ෆෑන්සාලා" 58 දෙනෙකුටත් නිවන් අත් කර දුන් අතර, තවත් පන්සීයක් පමණ, රහත්, අරහත්, සකෘදාගාමී, අනාගාමී තත්වයටද පත් කලේය. එයා නිවන් ගියාදැයි නිවන් දැක්කුවාදැයි තාමාත් හරියට කියන්න බැරි උනාට, පොර ට්‍රයි එක දීලා තියෙන්නේ නම් අනෙක් අය නිවන් යවා, පොර තව ටික කලෙකින් නිවන් යන්නට බවත් දැන් දැන් කියවෙන්නේය. 

Sep 27, 2017

ඉරාජ්, විකී, රොහින්යා හා ලිබරල් වමක අවශ්‍යතාවය - Iraj, Vicky, Rohingya & place for left wing liberal




විකි අළුත් කසාදයක් බැන්දම, විකීව මරාගෙන කන්න ගියපු උන් දැන් ඉරාජ් මරාගෙන කන්න යනවා. ඉරාජ් කරලා තියෙන්නේ, අර කලින් විකීව මරාගෙන කන්න ගියපු උන් කියපු කතාව ටිකක් පරක්කු වෙලා කියන එක. කොහොමත් පරණ ඒවා අමුවෙන් ගැහුවාම ටිකක් තදින් වදිනවා. ඒ වගේම සෙමත් ඇවිස්සෙනවා. ගල් හැහුවට එහෙම අවුලක් නෑ. මම කිව්වේ අරක්කු ගැන. ඉතින් පරක්කු වෙලා අරක්කු වගේ වදින දෙයක් ගැහුවාම සමහර උන් හරක්කු වගේ කුලප්පු වෙනවා. අරක්කු ගඳයි කියලා සමහර උන් කියනවා නේ. ඒ බීපූ නැති උන්. බොන එකාට අරක්කු රහයි. ආයේත් කියනවා. මම මේ කිව්වේ අරක්කු ගැන.

Sep 15, 2017

ජනාධිපති තාත්තා - My President Father



බෝලයක් බස්සා වාහනෙට දාගත්තු අරුන්දිකයාට මඩු වල්ගෙන් නෙලන්න පටන් ගත්ත ගමන්, අරුන්දිකයා ඇහුවේ, මේකද ඔබ තුමාගේ ප්‍රජාත්තන්තරවාදේ කියලාය. මේ යකෝ මගේ ප්‍රජාතන්තර වාදයක් නෙමෙයි මේ තමයි චන්ද්‍රිකා මැඩම්ගේ ප්‍රජාතන්තරවාදේ කියා කියපු ජනාධිපති තුමා කිව්වේ, කෝටී 25 ක්ම නැතිව ගාන ගැන කතා කරගන්න තිබ්බ වෙලාවේ, තමුසේ මැඩම් එක්ක හැප්පෙන්න ගියානේ දැන් ඉතින් මගේ ප්‍රජාතන්තරවාදෙන වැඩක් නෑ, තමුසේ වෙන මොකක් හෝ කර ගන්නවා හිටන් කියාය. කෝටි 25 ක් දුන්නා නම් මේ කිසි අවුලක් වෙන්නේ නෑ නේ සෑර් කියාපු අරුන්දිකයාට ජනාධිපති තුමා කිව්වේ, තමුසෙ මේ මඟුලක් කතා කරනවා, පේනවනේ ගණු දෙණු කරන්න ගිහිල්ලා රනිල්ලා නාන නෑම, ඕවා කරන්න ගිහින් අන්තීමට, අගමැති කොමිසමක් දාලා තමයි වැඩේ නවතින්නේ කියලාය.